Hitskin.com

[center]أهلااااااااااااا ^_^

للي كره من قصة سندريلا .. إليكم قصتها الجديدة ....

كان يا ما كان …في قديم الزمان… و سالف العصر و الأوان … كانت كاينة وحد الطفلة شينة شوية ، لونها أسود كالليل ، وشعرها شعشبونة ... ( مكشردة يعني )

بالإضافة إلى أنه خشن الملمس إذا مسه واحد ايده تتجرح … وكان لسندريلا زوجة أب جميلة وحبوبه ،

وعندها بنتين جميلتين، الكوصة والمسنقة ( ونعم الأسامي

وكانت سندريلا ديما تضرب مرت ابيها ، وتلبز فوق الكوصة والمسنقة ( بقرة يا لطيف )

وكانت ملابسهما رثة وبالية بعكس سندريلا ذات الملابس الجميلة ، الفخمة ……

وفي يوم من الأيام وصلت إلى بيت سندريلا دعوة من الأمير حمى ولد لعور (زين اسمه ) لحضور حفلة يقيمها الأمير لاختيار عروسة يتزوجها

… وهنا صرخت سندريلا في وجه زوجة أبيها قائلة : ( اسمعي اجري جيبيلي قندورة زينة نروح بيها لعرس الامير حمى )

قالت لها مرت ابيها : ( حتى انا والكوصة والمسنقة حابين نروحو للحفلة وراسك ادينا امعاك آآآآآآآآآها)

فقالت سندريلا : ( والو وحدة فيكم ما تتبعني … تحوسو تبهدلو بيا اساميكم تكفي ؟ )

ووهزت السرير ولاوحتهم بيه ونقزت فوقهم بالرذيخ والضرب الكتبيات الكفوف ما خلات فيهم وقالت : ( انتوما اقعدو طيبو واغسلو القش وسيقو ) … ولبست سندريلا أجمل قندورة عندها ولبست بشماق نيلو الاحمر الماسي ؛ وراحت لحفل الأمير……

وجلست الكوصة والمسنقة في الكوزينة يتباكاو

وفجأة !!!!!!!!!!!! ظهرت لهما الجنية وقالت لهم : ( وعلاه راكم تنوحو وتبكو تنوحو على روسكم ان شاء الله ؟؟؟؟؟؟ )

فقالوا لها حابين نروحو لحفل الأمير مع سندريلا بصح ما عندناش قش يصلح نلبسوه آآآآآآآآها

فقالت لهما الجنية : (اسكتو يسكت حسكم يخي مصايب احشمو على عرضكم ؛ اللي تروح نحشلها رجليها ايا كل وحدة فيكم تهني دابها …

…. وكان عند الباب آن ذاك عربة ذهبية يجرها حصانان أبيضان كانا في انتظار الكوصة والمسنقة ، فحولتهما الساحرة إلى فأران أسودان ، وحولت العربة إلى كابوية خامجة <<

.. وفي قصر الأمير … التقى حمى ولد الاعور بسندريلا ( لا وزيد عجباتو وضرب فيها عشقة )

لأنه كان طسطاسة ( اصلع يعني ) مثلها تماماً ) وأخذا يتبادلان الأحاديث و يرقصان

و فجأة !!!!!!!! دقت الساعة على الثانية عشرة تماماً في منتصف الليل

وهنا تذكرت سندريلا أن هذا هو موعد الحلقة الأخيرة من مسلسل ( نور )فقالت : آ حليلي آنندب درك يفوتني المسلسل نتاع مهند

فتركت القصر مسرعة و أخذت تركض قبل أن تفوتها الحلقة ، فلحق بها الأمير

لكنها و لثقل وزنها هرست الامير طاحت عليه وزيد عطاتو خبطة لكرشو ، ولبزت فوقه وادخل بشماقها في ظهرو …

ثم أن الأمير حزن حزناً شديداً عليها لأنها الوحيدة التي وافقت على الزواج منه ……

وأعلن أن صاحبة البشماق النيلو هي التي ستكون عروسه ……….

وفي اليوم التالي أخذ الأمير يطرق الأبواب ويسأل : ( عندكم بنت تلبس بشماق نيلو احمر ؟؟؟ )

وكانوا يردون عليه : ( حتى لوكان عندنا ما نحوسوش نمدولك بنتنا امشي طير ، روح حوس على وحدة توالمك )

و تلقى الأمير المسكين العديد من التفلات ……..

حتى وصــــــل إلى بيت سندريلا و سأل : (عندكم بنت تلبس بشماق كيما هكا )

فقالت مرت ابيها : ( حنا كامل فالدار نلبسو كيما هذا البشماق )

فقال حمى : ( انا نحوس على مولات هذا البشماق النيلو الاحمر)

فأرادت زوجة الأب أن تجربه كبت الأمير على كرشه وجرباته

وكذلك فعلت الكوصة والمسنقة … ولكن البشماق كان كبيراً جداً عليهم …

فأراد الأمير أن يخرج من البيت … بعد أن تكسر ظهره ..

فصاح الديك : ( كو كو كووووووووووووووووووو كو ) سندريلا في الدوش

وهنا خرجت سندريلا من الدوش … وسألها الأمير أن تجرب البشماق ..

فخلعت سندريلا تلاكاتها .. والقت الأمير على بطنه وجربت البشماق .. فزاد دخل في ظهره خرج من كرشه (اه هذا فيلم رعب والا واش ) …

فصرخ الأمير (( عآآآآآآآآآآآآآآآآآآآآآآآآآآآآه )) .. وجدتها .. وجدتها ..

وتزوج الأمير حمى من سندريلا ورحلا إلى مكان بعيد … وتهنا الناس من فاقرهم(وجوههم) .. وعاش الناس في سعادة وهناء

وش عجبتكم القصة ؟؟؟؟هههههههههههههههههههـ هههههههههههههههههههههاي
منقووووووولة

[/center]

هههههههه

مشكووووووورة بسووومة

وين تسكن هاذي السندريلا...؟؟؟
راهي نسات البشماق الأحمر في دارنا ضحك1

مشكوووووووووووور بسومة على القصة الجديدة

القصـــــــــــه تقتــــــــــــــــــــــــــــل تقتل بالضحــــــــك.ههههههههههه

هههههههههههه.......خخخخخخ..هاآإيــــــــــــــــله

يعطيـــــــــــــك الصحه حوحــــــــــــو..ماتحرميناش من هدو المواضــــــــيع

تقبلـــــــــــي مروري

هههههههههههه
والله يا الكوصة والمسنقة و الفرطاسة ضاحك

بصـــــــــــح انـــإآا ما فهمتـــــــــــــشــ الكوصة

وآإاشــــــــــ معنـــأإآهاإآ

قمر المنتدى كتب:: بصـــــــــــح انـــإآا ما فهمتـــــــــــــشــ الكوصة

وآإاشــــــــــ معنـــأإآهاإآ

ههههه
حتى أنا ماعنباليش واش معناها
سقسي كاتبة القصة تقولك

قمر المنتدى كتب:: القصـــــــــــه تقتــــــــــــــــــــــــــــل تقتل بالضحــــــــك.ههههههههههه

هههههههههههه.......خخخخخخ..هاآإيــــــــــــــــله

يعطيـــــــــــــك الصحه حوحــــــــــــو..ماتحرميناش من هدو المواضــــــــيع

تقبلـــــــــــي مروري

ياخي قتلك راهي تقتل بالضحك. عجباتك ؟

ساندريلا تشبهلك يا شوشو ههههههههههه :مرح:

قمر المنتدى كتب:

علمــــــــــــي علمك يا شوشو

simo كتب:

قمر المنتدى كتب:: بصـــــــــــح انـــإآا ما فهمتـــــــــــــشــ الكوصة

وآإاشــــــــــ معنـــأإآهاإآ

ههههه
حتى أنا ماعنباليش واش معناها
سقسي كاتبة القصة تقولك

والله ماعلبالي وش معناتها ماشي انا اللي كاتبتها
عجبتني نقلتهالكم

شـــــــــــــكراااااااااا لمروركم سيمو والقناص وشوشو

اسعدنــــــــــي تواجدكــــــــــــــــــــمــ

مشكووووووووووووووووووووووووووووووورة

هههههههههههه

بسووووم

قصة تهبل وتومت من الضحك

ههههههه

مشكورة قصة جميلة

زيدي اكتبي بلي دايرة الحنة اععععععععععع

هههههههههههههههههه و مدايرة الحنا يا اسير في يديها و رجليها ههههههههههههههههه و هي اسمها الطاوس في الحقيقة و يعيطولها سندريلا ههههههههههههههههههههههههههههههههههههههه

مشكووووووووووورة بسومة مبعد نجي نحكيها لتلاميذ قسمكم ههههههههههههههه

راني غير نقصر علبالي بيك حشامة وكون نديرهالك متزيديش تروحي تقراي يا صديقتي العزيزة

بسمة دايرة الحنة ههههههه
علابالك اكره كلمة ومصطلح لغوي عندي هي الحنة

:::][أسير وليد بريكة][::: كتب:: بسمة دايرة الحنة ههههههه
علابالك اكره كلمة ومصطلح لغوي عندي هي الحنة

ههههههههه
انا تاني

كي كنت صغيرة دارتهالي ماما وانا راقدة

نضت الصباح درينها دم

ديت العيد اكل بكي

علابيها نكرهاااااااا

مدريكش خوافة يا صديقتي العزيزة كنت مدايراتك رجلة

وش هذا راكم تقطعوا فيا وانا لا خبر يعطيكم الصحة

وانت يا سي اسير اقعد الا علق على مواضيعي واستهزء بي

صار حنا نقطعو فيك يا بسوم واحد ما يهدر عليك وانا و جوجو هنا رانا غير نتمسخرو

noor كتب:: صار حنا نقطعو فيك يا بسوم واحد ما يهدر عليك وانا و جوجو هنا رانا غير نتمسخرو

علبالي بيك مديريهاش و ماشي نمعني عليك

ههههههههههههههههههههههه

الله غالب نور
لازم نخاف

منين تخافي ياجوجو ؟فهميني

» دعاااااااااااااااااااءالسنة الجديدة
» صور طريفة شوفو
» شرح كيفية التعامل مع لوحة الارسال الجديدة
» شوفو الابداع ....سبحان الله
» تلاميذ ثانوية بريكة الجديدة في اضراب + فيديو

Hitskin.com

للي كره من قصة سندريلا .. شوفو قصتها الجديدة ....